Shan ramkulh saklam MNDAA ကျင်ကော်တစ် sakhan pakhat cu kan dung baite ah ralkap pawlin kap dingih an nor ruangah doawknak a suak ih, cui doawknak ah ralkap ruak pawl le an tlansanmi hriamhrei pawl laksak ngah a si thu tualsung media The Kokang cun a tarlang.
November 5 sundir nazi 11:30 hrawngah ralkap pawl cu MNDAA ကျင်ကော်တစ် sakhan cu minute 15 hrawng an kap ih dung an sipsal thu, zaanlam nazi 1:00 hrawngah minute 17 hrawng an kap sal ih dung a sipsal thu theih a si.
Ralkap brigade 77 hnuaiih battallion 105, 106 hleiah hmin theih lomi battallion pawl hmun an khuar thu, မိုးကိုး le ကွန်းသာဗျူဟာကုန်း ih MNDAA ကျင်ကော်တစ် ခံတပ်စခန်း cu hriamhreipi thawn vei 30 lenglo an kah thu, MNDAA lam ihsin mi pakhat hriamhma a ngah thu The Kokang hnenin theih a si.
Ralkap pawl cun Shan ramkulh saklam MNDAA thawn doawknak ah cat loin ralkap an kuat thu, ဟေးမုံလုံ နမ်စူ le ဟွာချောက် hmunram pawl ah doawknak lam an cangvaih thu, ralkap le MNDAA karlak doawknak a um ringring thu pawl The Kokang cun a tarlang.
