Tufang kan Chin ramkulh Mindat pengah Mindat mipi ziang maw zat in harsatnak nasa tak an tuar kan seherh cio ti lai ah Mizoram ih um kan unau pawl cun unau kan sinak, kan laicin awknak langter in Mizo Zirlai Pawl cun Mindat mipi hrang paisa ting 20 man lai thilri an bawm. Mizo Zirlai Pawl hi Myanmar ram buainak a suak ih mipi in harsat kan tawn le veten nasa takih hmala tu an si.
Tui’hlan kum 4 lai liam zomi, 2016, khalah Myanmar ram khawpi Naypyidaw tiang rori feh in kan Chin MP pawl tiang ra tawngin sunlawih upatnak khal an ra pe. Kan Chin miphun mipum ziang maw zat sahimnak hawlin Mizoram ih hun tlantupawl an theitawkin duat zet le ṭhazet ih an rak enkawl tlun ah, tu ah Mindat mipi hrang hivekih an cangvaihnak hmuh tikah, an unau, an venghnen mi harsa an tuamhlawmdan pawl hi le lainatnak an neihmi pawl hi a ropi lawlaw a si. Pathian in aletza in malsawm cio hram seh.