Inrinni zan khan Portugal chu Morocco lakah si khat phur in FIFA World Cup an mangtha a ngai a, Ronaldo tan kum in hi World Cup a a tel hnuhnung ber tur a nih vangin trophy chawi lova World Cup a mangtha ta mai hian zel din a hlawh in, Ronaldo pawh mittui tla chungin khelmual a chhuahsan a ni.
Youssef En-Nesyri a’n Goal khat a thun hmangin Morocco te hi an tlang a. Portugal chak loh chhan pakhat ah hian an coach Fernando Santos demna a tam hle. Santos hian inkhelh tantirh khan Ronaldo hi bench-ah thut tir in, second half ah chiah a tir lut.
Tun hi Santos an Bench a Ronaldo a thut hmasak tirna a ni tawh lo. Switzerland nen an inkhelh tum ah pawh Ronaldo hian bul a tan lo a, second half ah dah lutin 6-1 in hnehna an chang zui a ni.
Ronaldo a’n Quarter final a bul a tan loh hi an chakloh chhan nia sawi a tam phah ta reng a, Ronaldo kawppui Georgina Rodriguez pawh tawngchhuak hialin Portugal coach a demna a tilang.
Georgina Rodriguez chuan Instagram ah Ronaldo chu an ram trophy chawipui lova an chakloh vangin hnuai mai lo turin a fuih a, vawiin a a thian leh a coach ni bawk Santos thutlukna siam chu a diklo hual hual thu a sawi.
Georgina chuan Santos hian Ronaldo hi Portugal tan khelmual ah tirlut mahse engmah thil danglam thlen tir na turin hun a awm tawh lo hrim hrim a, a luhtir tlai mah mah a ti. Chutih rualin a fate pa Ronaldo chu a fuih a, World Cup a an chak loh vangin khawvel a player tha ber a nihna chu a tih hniam phah lo a, hringnun ah hian zirtur tam tak awm in tun tuma an chaklohna chu engmah a nilo a, an zirthiam belh zawk thu a sawi tel bawk a ni.
