/

Mitthi vuina hman mek laiin a mitthi fanu ber chu a bialpa in inneih pui ah a sawm

A hun leh hmun a hriat loh lutuk vangin sawisel pawh a hlawh nasat phah reng a, a ni erawh chuan a chet lak hun hi hun tha leh fuh ber ah a ngai tlat thung.

South Africa a mitthi vuina hun hman a nih mek lai in an vui mitthi ber fanu chu a bialpa chuan a pa ruang thlah liam karah hun remchang tak lo chuhin nupui atan alo sawm tih hriat ani.

Tarlan danin nupui atan a sawm tu pa hi pastor a ni nghe nghe a, mahse a nihna chiang tak erawh tarlan a nilo thung. Nupui a a sawm mek lai hian an mitthi vui kuang pawh an piah deuh lawk ah hmuh theihin a awm.

Mitam takin a chet lak hun hi a fuh zan loh thu sawiin video clip a darhchhuah hnu ah sawisel na tam tak a dawn zui phah. Amaherawh chu amah chuan microphone ah a bialnu in hun harsa leh khirh tak a tawn mek laia a kianga a awmpui thei chu vanneih a intih thu a sawi thung.

Thil thlen na hmun chiah hi South Africa a Limpopo province ah a ni. Video hi Tiktok a phochhuah a ni hmasa a, heta tang hian Internet lam ah a viral zui ta chiam ani.

A hmeichhia zawk pawh hi thil thleng vang hian a hamhaih in a lungchhe hle tih a hriat a, a pa boral na nge ni ang a, a bialpa in inneih puia a sawm thut vang zawk tih erawh hriatthiam a harsa hle. Mahse a pa a sun mek chung hian a bialpa sawmna hi a pawm ani tih hriat nan zungbun an in buntir hmuh theihin a awm.

Leave a Reply

Your email address will not be published.