Assam a Karimganj district a cheng mipa naupang chuan mitdel te tan a hman awlsam leh an chhawr tangkai theih tur smart shoe danglam tak a siamchhuak.
He a pheikhawk siam chhuah hian mit khawhmuhna lama harsatna tawk te tan tangkai takin an hmang thei dawn a, an kalna lama an mahni dal thei tu thil awm te chu a hriattir thei dawn a ni.
Ankurit Karmakar hi Rowland’s Memorial High School a 9th standard student a ni a, mitdel te puala a pheikhawk siam ah hian hriattirna pe thei tu tur sensor a dah a, hei hian hmalam a daltu awm thei apiang chu alo man chat chat zel ang.
Pheikhawk ah hian ri chhuah thei tur buzzer a dah a, chu chuan hmalam ah dal thei tu thil a awm leh awm loh a hriattir thei a, a khawl in hna a thawh theih nan battery te deuh a phum tel a ni.
“Hmalam ah dal thei tu eng emaw a awm chuan pheikhawk a sensor hian a man ang a, buzzer chuan ri pe chhuak in a bun tu a piang hnen ah a hriattir nghal thei ang” tiin Ankurit hian a pheikhawk siamchhuah hnathawh dan hi a sawi.
A puitlin hun ah scientist tha tak nih a tum ruh hle a, midang te tan a malsawmna kawng hawn sak a, hman tangkaipui theih tur thil tha zawk siamchhuah ngei a tum thu a sawi bawk.
