Thihna zet hi zawng a nunrawng tak zet. Mihring te dan theih rual a ni silo. Thailand ramah mipa naupang pakhat chuan a pa vuina senso atan tiin mittui nen livestream a nei.
Mipa naupang hi Chanadej Khiewsen a ni a, kum 12 a upa ani. A pa ruang vuina atan hian live concert in Facebook ah hun a hmang a, The Nation in an tarlan danin Khiewsen hi kum 5 a nih atang kawtthler ah Guitar perh in a zai tawh ani.
A school mamawh intum nan ten hun alo hmang thin a, mahsela thla reilo te liam ta atang khan a pa Cancer vanga damlo mek awmpui ngaiin mipui hma ah hun a hmang thei tawh lo. Online kaltlangin perform na hun a hman a ngaih phah.
A tirah a pa hospitall bill man atan a ruahman a, mahsela February 15 ah vanduaithlak takin a pa chuan a boral san leh si. Facebook kaltlang in an hun tawn mek chungchang chu lungchhe takin a puang a, a pa vuina atan pawisa thawhchhuah a mamawh ani.
Live stream a neih chhung hian lo thlirtu te hma ah insum tum viau mahse a thinlung leh rilru natna te chu a thup hleithei lo a, a mittui chu a tla deuh reng bawk. A live stream hi thehdarh a nih hnu ah mite thinlung a hneh hle. Facebook ah amah ngaihtuah tu zawng zawng te chungah lawmthu a hrilh a, lungngaihna in a chunga thla a zar chu tuarchhuakin chhel taka a awm tur thu a sawi ani. Engtik ni ah emaw chuan musician tha leh lar tak a la ni ngei ang.
