Yangon ramțhen Hlaing peng veng 13-nak ih ralkap hnenah mi zuarthlaitu dalan U Thein Oo cu October 21 zaanlam nazi 4:30 ah Rangoon Urban Revolutionaries – RUR cun an kah that thu theih a si.
October 21 zaanlam nazi 4:30 ah Hlaing Tirih Myine Railway Station kiangah ralkap hnenah mi zuarthlaitu dalan U Thein Oo cu meithal thawn veihnih an kap ih a hmun rori ah a thi cih tiah theih a si.
“Hipa’i mi zuarthlainak ah mino 8 lenglo kaihmi an um zo, ralkap hnenah thuhla sim in zuk tivek a zuk, Taxi mawngtu bangin hna a țuan” tiah tualsungmi pakhat in a sim.
October 21 zinglam nazi 9:00 hrawngah Mayangone peng veng 2-nak U Bah Han lamzin ahcun mino 5 kaih an si thu, hi kaihmi cu mipa 3, nunau 2 an siih nunau pakhat an thlahsal thu theih a si.
Sanchawng peng Barkaya lamzin le Bahu lamzin khal October 21 zaanlam nazi 5:00 hrawngah ralkap pawl cun an phit ih mi sukso an cek ciamco thu tualsungmi hnenin theih a si.
