Minkin Ah Ralkap Pawl Bomb Thawn An Do Ih Ralkap 10 An Thi

Sagaing ramțhen Kalay distric Minkin peng sungah ralkap pawl cu PDF in November 15 zinglam ah bomb thawn an do tiah theih a si.

November 15 zinglam suimilam 10:00 hrawngah ralkap pawl cu kyautkhetet (ကျောက်ခဲတက်) khua ihsin motor lamzin siloin lamzin dang ihsin an rak laifang ah bomb thawn an rak do thu PDF hotu in a sim.

Bomb a puak thluh hnuah ralkap pawl cu lungphang in dung an kirsal. Cutiih dung an kirsal laifang ahcun PDF cun meithal thawn an kap ciamco ih ralkap 10 hnakih tam an thi ko ding tiah a sim bet.

Ralkap pawl cu mi 80 hrawng an siih, ralkap uniform hru loin leknak uniform thawn an ra tiah theih a si.

Leave a Reply

Your email address will not be published.