Chin ramkulh Mindat – Matupi lamzin peng țhuam 16-nak ah ralkap le CDF cu tuini August 15 ah an kap aw ih ralkap lam ihsin mithi an tam thu CDF – Mindat hnen ihsin theih a si.
Ralkap pawl cun peng țhuam 16-nak lamzin tonawknak ih inn 2 khal an urkang ih, cui kiangkap ah hriamhreipi khal pawngpakah in an kap ciamco tiah theih a si.
Ralkap pawl cu Mindat khawsung ah hmun an khuar ih Mindat nisuahnak Pansan lamzin pialnak khalah khualtlawng sukso motor pawl an cek ciamco tiah theih a si.
Kanpetlet khawpi khalah ralkap pawlih meithal kahnak ruangah inn sungih um kum 2 mi nauhak pakhat le a pa cu an ngah tiah theih a si.
Tuini ralkap le CDF doawknak ah ralkap lam ziangzat an thi felfai timi theifiang a si hrih loih, CDF lam ihsin mithi le hriamhma ngahtu an um lo tiah theih a si.
