Former boxing champion, Mike Tyson chuan thlawhna chhung ah a chuanpui mipa pakhat kut alo thlak a, a chetdan mawi lo tak hi video hmanga lo lak niin phochhuah hnu ah a lar hle.
Hei buaina hi Nilai zana San Francisco Airport a thleng a ni a. Thlawhna JetBlue hi ala thlawk chhuak hman lo. San Francisco atang a Florida pan tur a ni a, Mike Tyson leh kut a thlak pa hi an chuang tlang ani.
Passenger hi a hnung zawk ah a thu a. A tirah chuan an inkar ah hian in hmuhthiam lohna a awm hran lo. An pahnih hian thla te la tlangin an in selfie dun vel a. Mahse a hnu ah passenger hian Mike Tyson hi a zarbuai zui ta sek mai a, a beng bulah te thil hrilh tuma hnaih in Tyson hian tawp tura a tih pawn a chawl duh lo an ti.
Mike Tyson thinrim chuan hnung lam leh hawiin he passenger chimawm tak hi a hnek zui ta mai ani. Tyson hian vawikhat mai hnek lo in vawi eng emaw zat a hnek hman.
Hnek a tawrhna ah hian passenger hian hliam tuar in thisen a chhuak hial bawk. Tyson representative in passenger hian Tyson hi a tibuai in a thutna ah te chuan tui bottle ten a vawm tih a sawi.
I mean, Mike Tyson wouldn't ever have to tell me "leave me alone" more than once.
Some people gotta learn the hard way.pic.twitter.com/2HI8mUUUDU
— BrooklynDad_Defiant! (@mmpadellan) April 21, 2022
San Francisco police chuan thlawhna a buaina chhuak ah mi pahnih an hren thu an puang a, tu te nge an nih tih erawh an tarlang lo. Mahse a hnu lawk ah chhuah leh an ni a. Thubuai siam tur a thlenna engmah a awm hriat a nilo bawk.
