Uttar Pradesh a Moradabad a mi Doctor pakhat Dr Arvind Goyal hian mi rethei zawk leh chhawmdawl ngaite tanpui a duh vangin a thil neih hlu (property) zawng zawng chu Uttar Pradesh government hnen ah a hlan tih hriat a ni.
Uttar Pradesh government hnen a a thil pek hlut zawng hi cheng vaibelchhe 600 lai mai niin an sawi a, kum 50 kal ta chhung khan a hna hi thawk tawh in thil pek a hlan hnu in thutlukna hi kum 25 liam ta khan alo siam daih tawh thu a sawi bawk.
Hrileng vang a Lockdown puan a nih lai pawh khan Arvind Goyal hian Moradabad a thingtlang khua 50 lai a mi cheng te chhawmdawlna hna a lo thawk tawh a, retheihna vanga harsatna tawk ten zirna tha an dawn theih nan a thlawna zirna a buatsaih bakah enkawlna tha tak dawng turin a tanpui a ni.
Heti tak mai a mi rethei leh hnuaihnung zawk te tanpui kawng a a thawhhlawk em vang hian a hming pawh a tha hle a, India ram President 4 lai mai President Ram Nath Kovind, former President Pranab Mukherjee, former President Pratibha Devi Patil leh former President Dr APJ Abdul Kalam te hnen atang in chawimawina alo dawng tawh bawk.
Arvind Goyal hian nupui ah Renu Goyal nen innei in fapa pahnih leh fanu pakhat an nei a ni.
