Las Vegas khawpuia rimawi chawimawina Billboard Music Awards 2022 semchhuah na neih zawh tak ah Rapper, Machine Gun Kelly chuan fans te ngaih ti tha lo leh rinhlelhawm tur thil sawi a nei tlat.
Machine Gun Kelly hi Billboard Music Awards semna ah hian a Perform a, a bialnu Actress, Megan Fox in a tawiawm tha hle bawk.
A hla ‘Twin Flame’ a Perform hma lawk in Machine Gun Kelly chuan a hla sak tur chu a nupui ni mai tur Megan Fox tan a hlan a. Megan hi a nupui angin a ko nghe nghe. “He hla hi ka nupui tan a ka ziah/phuah a ni a, hei bakah kan naute lo la piang tur tan ka hlan bawk e” tiin stage ah a sawi ani.
He thu a sawi hnu hian Fans ten Megan Fox in nau a pai leh pai loh hi an inrinsiak zui nghal a, Megan leh MGK te lam atang erawh in engmah a nemnghehna an la sawi leh lo. Tun hi Machine Gun Kelly hian Megan Fox hi a nupui tia a koh vawikhatna a ni tawh lo a, naute chungchang erawh a sawichhuah hmasak berna a ni thung.
A kawppui hmasa Emma Cannon lakah Machine Gun Kelly hian fanu kum 12 a upa Casie a nei tawh a. Megan Fox pawh in a pasal hlui Brian Austin Green hnen ah fapa 3 a nei bawk. A pasal hlui Brian Austin Green hian tunah a bialnu Sharna Burgess lakah a fa 5 na tur a beisei leh mek ani.
