Chin ramkulh thlanglam Matupi khawpi ih hmunkhuartu nitlaknak saklam ralkap hmunpi ih kuthnuai ralkap ခမရ 309 ih ralbawi Major pakhat le a kuthnuai ralkap pakhat cu September 16 zaanțim suimilam 12:00 hrawngah țongkam an elawknak ihsin an kap aw ih 2IC level ih țuanvo kaitu Major a thi tiah theih a si.
Thihnak tongtu ခမရ 309 ih 2IC Major ih ruak cu Matupi siizung ah an ret thu ralkap sungih milai pawlin an sim.
2IC cun Matupi peng ih dothlennak tuahtu pawl do dingih an suahter caan ah a kuthnuai ralkap pakhat cun a duh lo thu a simnak ihsin țongkam an el aw ih atu vekin thilcangmi a si tiah an sim.
August 29 khalah Matupi khawpi ခလရ 140 ah captain pakhat cu ralkap sung casuak a siar rero laifang ah a kuthnuai ralkap pakhat cun a kap that ih, amahlemah khal a kap that aw.
