Mandalay khawpi sungah ralkap thuneihnak dokalh duhphorhnak tuahtu pawl țhekdarh dingih thupetu tiih hminlar palik bawi Win Htun (Police Major General) ih nupi Daw May Than Nuaih (ဒေါ်မေသန်းနွဲ့) cu Covid – 19 nat tuarin August 1 ah a thi tiah theih a si.
Police Major General Win Htun cu ralkap council hnuaiih palik hnațuannak ah palik bawi pakhat a siih, ralkap thuneihnak dokalh lam ih thazang a țhat zetnak Mandalay ih duhphorhnak tuahtu pawl țhekdarh dingah thupetu a si tiah online ah a lar.
Police Major General Win Htun ih nupi cu kum 61 ih upa a siih August 1 zinglam suimilam 9:00 ah Naypyitaw khawpi ihkhun 1000 siizungpi ihsin a thi thu August 2 ih suahmi Myanma Alin le The Mirror thuthangca ah an tarlang.
