Chin ramkulh Paletwa peng Shwehlaingphui khua ih Pu Aung Lin Thang cu tuini July 29 ah Malaysia ram Saryaban peng ih a umnak hmun ah a itthat ih a thi lanta tiah theih a si.
Pu Aung Lin Thang cu 2018 ihsin Malaysia a rak feh ih Myanmar ram ah a innsangnu le fate unau 4 a tan.
Pu Aung Lin Thang in ruak cu Malaysia Saryaban khawpi siizung ah an ret ih Covid – 19 a neih le neih lo, ziangruangah a thi timi pawl an zinzoi thluh hnuah vui siannak an pe ding tiah theih a si.
“Zing khua a vang ih a umpi rualpi pawlin an țhangnak ihsin a thi timi an thei, siizung ah kan zoh ding, cekfel thluh ihsin vui ding ni theih a si ding” tiah a ruak tawlreltu Ko Lwin Lwin in a sim.
Tufang hi Malaysia ah Covid – 19 ih thihnak tongtu lakah Chin miphun an tam rero thlang tiah theih a si.
