Turkey leh Syria ram ah February 6 khan chhiatna rapthlak tak a thleng a, ram pahnihte hi lirnghing rapthlak tak in a sawi a ni. Tun hnaia report a a lan danin, chhanchhuah hna thawktute chuan zan thim takah pawh damchhuak zawng turin vur leh khaw vawt tak hnuai ah an bei a, heng ram pahnih te a thi zat hi mi 21,000 an tling hial tawh.
Syria mipa naupang pakhat video viral chuan Internet ah thlir tu a ngah hle a, naupang hi lirnghin hnu lawk a nungdam a chhanchhuah a ni. Twitter page pakhat The White Helmets, Syria civil defense’s official account chuan video hi an post a, an ni hi Syria leh Turkey tan a thawk volunteer organisation an ni.
Video ah hian naupang hi engmah hrethiam lo ta na na na chu hlim takin camera a hmachhawn a, a hming Karam niin lirnghing a thlen hnu lawk ni hmasa berah khan chhanchhuah a ni a, thingtlang lam Armanaz khua a in chim aṭanga lakchhuah a ni.
A young Syrian boy smiled and started to play with rescue workers who pulled him from the rubble of a building that was destroyed following deadly earthquakes in Turkey and Syria pic.twitter.com/kM3Qt4UqvG
— Reuters (@Reuters) February 8, 2023
Chhanchhuak tu te chuan naupang tê, Karam tia hriat hi lung keh hnuai aṭangin an la chhuak a, civil mite chuan naupang chu an hual vel a ni. Mipa naupang hi a tir lamah chuan a chiai in a hlauthawng deuh niin a lang a, mahse a hruai chhuaktu te au thawm a hriat chuan ani pawh chu hahdam takin a awm.
Mipa naupang nui hmel chuan midangte chu beiseina eng a pe a, a hmun a mi awm dang te chuan naupang tê hi kuah leh fawhna hmangin a him vangin an lawm zia an lantir a ni. Lungchhiatna karah chhanchhuahna hlimna chuan boruak a luah khat a, a hnu hian naupang hi hmun him zawkah hruai sawn a ni.
