One Direction star Liam Payne leh Maya Henry te chu vawi hnih nan kianzai an in relsan leh tawh.
Source in People Magazine a hrilh danin Liam Payne leh Maya te hi tunah chuan an kar thu engmah a sawichian leh theih tawh loh a, an inthen tih a hrilh. People phei chuan an inthen thu an puan atang in thla chuang a liam tawh tih in sawi a rawn awm thar ve leh chauh zawk.
An inthenna hi hriatchhuah a nih dan pawh Maya Henry hian fans account pakhat in Liam Payne an hmeichhe dang lungchim taka a kuah lai thlalak post comment a hnuchhuah atangin a ni. Maya Henry hian he thlalak a Liam Payne an a kuah hi amah a nih loh thu a sawi a, heng thlalak hi a hmuh a thawn tawh lo turin a hrilh nghal.
Liam Payne leh Maya Henry te hi 2018 atangin an inngaizawng tih sawirik a awm tan a, September 2019 ah an inkar hi vantlang hriat ah an nemnghet chauh thung. August 2020 khan Liam Payne hian propose in an inhual tih puan ani.
Mahse hun an liam leh deuh tih ah nikum June thla khan an inthen tih hriat a ni a, Liam Payne hian an chungchang hi The Diary of a CEO podcast ah a sawichhuak. Amaherawh chu an inthen tih a sawi hnu lawk thla 2 a liam awrh tihin St. Tropez ah hmuh dun an ni leh a, October thla a London a event buatsaih ah Red Carpet an zawh dun leh tak ah chuan an inkar pawh pangngai in a tha chho leh tawh a ni tih hria in fans te pawh an phur hle.
Tunah erawh thil a danglam zo leh ta vek. An inkar hi engtiang tak in nge a kal chhoh zel dawn tih chu hun in a hrilh turah ngai ang. Liam Payne hian Maya a tawn hma hian Cheryl nen 2015 atang a 2018 thleng inkawp in fapa Bear Grey (kum 5) an nei hman.
