Sagaing ramțhen Yinmapin peng Banbwe khua uksuh Letpan khua kiangah October 21 zaanlam nazi 4:00 hrawngah ralkap motor pawl cu bomb 3 thawn do an siih ralkap 5 hnakih tam an thi tiah tualsungmi pawlin an sim.
Bomb puak a thlen hnuah ralkap pawl cu meithal kap phah in Letpan khua an lut ih inn pakhat an urkang hleiah tualsung minung 7 khal kai tahratin hmainortu ih an hman hnuah an thlahsal tiah tualsungmi pawlin an sim.
Hi ralkap motor pawl cu Monywa lam ihsin Monywa – Yargyi – Kalaywa lamzin ah minung 80 hrawng cu bur 3 ah țhen awin an feh. Bomb puak cun motor 3 a siatsuah ngah ih raldonak tank pakhat le ralkap pawl phurtu Truck motor 2 an si tiah theih a siih, hi bomb puaktertu cu Yinmapin PDF ih tuahmi a si thu khal theih a si.
