Hollywood Actor, Leonardo DiCaprio (kum 47) leh Supermodel, Gigi Hadid (kum 27) te chu an in date ang a sawi thawm a awm mek karah a vawi khatna atan hmuh dun an ni.
Thawhtanni khan Leo leh Gigi te hi New York a a thian Richie Akiva leh Darren Dzienciol ten Party an buatsaih ah inhnaih takin an awm dun a, MailOnline ten an awmdun lai thlalak hi an rawn phochhuak.
Thlalak atanga a landan in Leo hian Gigi hi thil eng emaw a hrilh ru ni ngei a ngaih theih turin a beng zawn ah a phun deuh sup a, Gigi darah a kut a nghat bawk tih a hmuh theih a ni.
Leonardo DiCaprio hian kum 4 zet alo date tawh Camila Morrone nen an inthen hnu in Gigi Hadid nen hian sawizawm an ni nghal a. US Weekly in an chungchang hi rawn tarlang in Leo hian a kawppui dawt leh tur atan Gigi Hadid hi a thlang a, a chungah a mit a fuk leh chat thu hi an sawi.
An pahnih hian tunhma atang tawh thian tha an ni sa hrim hrim a, Leo hian ngaihzawng ang a en a tum laiin Gigi erawh chuan heti lam hawi zawng hian a lakah rilru a pu lo in an sawi a, a fanu tha taka enkawl a duh a, Zayn nen an inthen hnu ah bialpa lam reng a ngaihven tawh lo an ti.
Inhnaih taka an awm dun lai thlalak tarlan a nih hnu ah PageSix chuan an inkar hi muangchang takin an kalpui mek a ni tiin Source rintlak tak hnen atangin an dawng bawk.
He ‘Titanic’ star hian a kum phu lovin a hmeichhe kawp reng reng a duh naupang a, kum 25 an pel ngai lo tih theih a ni a, Gigi nen an lo inkawp tak tak a nih ngat chuan kum 25 chung lam a kawp ve na tur leh fa nei tawh hmeichhia a date hmasak ber a ni ang.
