Khawthlang milar inkawp thar tur a kuhmum rawn awm tan mek Hollywood Actor, Leonardo DiCaprio leh Supermodel, Gigi Hadid te chu an la inhmu reng thin a, an inkar pawh a thuk in an la thu tak chho hle tawh tih an sawi.
Leo leh Gigi te hi chanchinbu mite ngaihven leh bengkhawn an hlawh em em karah Zirtawp zan khan New York City ah hmuh an ni leh fo a, restaurant in ang chiah New York City Cipriani restaurant an chhuahsan lai ve ve hmuh an ni.
Leo hi amah bakah a thian thenkhat te pawh a rual hian an kal ve a, leather jacket inbel in camera hmachhawn loh theih dan ber turin a inthuam a, chutiang bawk in Gigi Hadid hi scarf nen a hmel hliah tawk tawk mahse milar ta na na na chu tu tih hai theih nilo in a inthup thei tak tak lo.
Leo hian Gigi hi a hna thil ah leh nu a nihna kawng ah a buai zia te a hriatthiam pui thin hle thu Gigi hnaih tak in People chanchinbu te a hrilh. An kar thu a than chak em em laia mite hriat ah an chanchin engmah an puan lawk loh chhan hi midang hriat an duh lo a, langsar lo thei ber a inkawp an duh zawk an ti bawk.
September thla a New York Fashion Week party atang in sawizawm an hlawh tawh a, amaherawh chu tun thlengin official taka an inngaizawng tia nemnghehna siam theih ala nilo.
One Direction singer Zayn Malik lakah Gigi hian fanu kum 2 a upa a nei mek a. 2016 atanga inkawp in nikum November thla ah an inthen. Leo pawh kum 4 zet alo zui tawh model Camila Morrone nen an inkar an chhuchat fel bawk.
