Kum 24 leka upa he beauty mogul hian sum leh pai hman tur ah buaina leh harsatna a neilo bawk a, sum khawhral dan kawng a zawng hiau hiau emaw tih tur khawp in a pawisa hrawm a na thin khawp mai.
Kylie Jenner hian tunhnai lawk khan a private jet hmang a a zinkualna ah sawisel a tawh zui phah hle. A chhan chu Kylie hian hmun hla lutuk pawh ni hran lo ah a private thlawhna kher kher a hman vang a ni.
Thawhlehni mai khan Camarillo, California leh Van Nuys Airport inkar atan a Private jet hi a hmang a, celebrity private aircrafts veivah dan lo ngaihven tu CelebJets chuan rawn tarlang in Kylie hian a tumram thlen nan Minute 3 chiah a thlawk tih an sawi.
Tarlan danin Kylie flight hian a pum puiin minute 12 chhung a hmang a, hei hi thlawhna an luh leh chhuah inkar chhung zawng zawng nen chhut in a nia, boruak a thlawh kan chhung tak erawh minute 3 lek chauh a rei a ni.
Hei vang hian tul lo a boruak ti bawlhhlawh tu ah puh a ni a, ‘climate criminal’ an tih zui phah hial. MailOnline in a tarlan danin Kylie hian thlawhna ai ah Car hmangin kal zawk ta se Minute 30-40 inkar hun awh tur a ni.
Flight a hmanna ah hian boruak chhia carbon dioxide hi 0.24 metric tons ve a tichhuak an ti a, a Mercedes Maybach limousine Car kha lo hmang ni zawk se carbon dioxide a pekchhuak tur hi tlahniam in 0.02 metric tons chauh a ni dawn a ni.
