Kum naupang te a sumdawnna hlawhtling tak kalpui tu leh thalai te ngaihsan rawn Kylie Jenner chuan a piancham kum 25 na chu lawmin a piancham hi a chhungte leh thian tha ten an lawmpui.
Kylie Jenner hian kum in a piancham chu ropui dangdai tak in Yacht ah private party a buatsaih a, hetah hian a nu Kris Jenner hnen atangin thilpek hlu leh man to tak mai a dawng nawlh bik a ni.
Kris Jenner chuan a fanu Kylie hi a kum 25 tlin lawmpuina atan Hermes Birkin bag vang leh hlu tak a Present a, he Bag hi designer bag dang satliah ang mai mai a nilo va khawvel ah pathum chauh siamchhuah niin a man pawh US$100,000 (£81,949) vel a ni.
A piancham lawmpui tu te hma ah Kylie Cosmetic neitu hian Hermes signature chuanna orange box pahnih te chu a hawng a, box pakhat zawk ah hian Hermes’ teddy orange slippers awm in hei pawh hi £670 man a ni bawk. Box pahnih na atang chuan Hermes Birkin bag vang tak hi a phawrhchhuak.
Kylie hian hetiang ang Bag hi ala hmuh ngai loh a nih thu a sawi hial a, a thian pakhat in engzat nge siamchhuah a nih tia a zawh chuan pathum chauh siam a nih thu in Kylie hian a chhang let.
Bag vang tak mai a nu hnen atanga a dawn hi a $1million handbag collection zingah a telh ve leh thei dawn ta a ni.
Kylie Jenner must’ve known when she said this , it would trend 🙌🏾🙌🏾🙌🏾🔥 pic.twitter.com/8TSPPrpNlD
— alex.gottfried (@kondjela) August 12, 2022
Yacht party ah hian a nu Kris Jenner bakah a unau dang Kendall Jenner leh Kim Kardashian ten an telpui a, a thian tha tak Stassie Karanikolaou leh an chhungkaw thian tha La La Anthony bakah a fanu Stormi Webster leh Kim Kardashian fanu Chicago te an tel bawk a ni.
He reality star hi kum naupang te in a eizawnna kawng ah a hlawhtling hle a, sum lamah buaina a neilo bawk nen designer bag leh pheikhawk tam tak a kawl nual. 2019 a Hidden Hills, California a chenna in a a thuamhnaw dahna a fankual pui khan a hmeichhiatpui tam tak te awh tur thil tam tak a kawl rui a, a interior designer Martyn Lawrence-Bullard chuan Hidden Hills mansion ah hian Kylie in designer handbag 400 ai a tam a kawl thu a sawi. A bag kawl ho hi Hermés, Birkin bags,Louis Vuitton,Chanel, Dior leh Fendi kutchhuak deuh hlir an ni nuk hlawm.
