Mandalay ramțhen Minchian peng Kwansaik khua tlawnginn ih hmunkhuartu ralkap pawl cu November 22 zaan suimilam 10:40 ah PDF komkhawm pawlkom 4 cun an nam ih ralbawi pakhat telin ralkap 8 an thih thu tualsung hriamkai pawlin thuthannak an nei.
Ralkap 20 hrawng hmunkhuarnak tlawnginn cu November 22 zaan suimilam 10:40 ah 27 Revolution forces hohanak in Zero Guerrilla Force (Minchian)၊ Nathogyi Regional PDF, Natogyi People Defence Forces, Nuahtogyi (နွားထိုးကြီး) PDF pawl cun RPG7 thawn an kah thu, cuihnuah ah meithal thawn kap in an hrual ciamco ih tlawnginn sungih hmunkhuartu ralkap lam cun an rak kah thei lo hleiah ralbawi pakhat telin ralkap 8 an thi ih mi 2 in hriamhma nasazet an ngah tiah theih a si.
