Rimawi an ngainatna chuan an kum inthlauhna chu theihnghilh tir in hmangaihna lipui ah chuan an tla lut a, an inkarah hmangaihna mak tak mai a piangchhuak a ni.
Kum 18 a upa Muskan leh kum 55 mi Farooq Ahmed te in hmangaihna hian mite ti ti a ti tam hle a, an chanchin leh an in hmangaihna kawng zawh dan hi Youtuber leh influencer ni bawk Syed Basit Ali in Interview a neih hnu atang chiah in a larchhuak ta hluai.
An inhmangaihna chanchin ‘love story” intan dan chu rimawi an ngainat dun na vang a rawn piang niin an sawi. Pakistan mi ve ve niin an chenna pawh a inhlat lo hle. Farooq hi music ngaina tak a nia, Muskan zai ri mawi tak a hriat hnu chuan a beng a verh nghal zar. Hemi hnu hian Muskan te chenna ah ngei a lenglut ta fo a ni.
Bobby Deol’s ‘Badal’ movie a hla ‘Na Milo Humse Zyada’ a sak hnu phei chuan Farooq Ahmed hi a luangliam tak zet a. Duhsakna thilpek te hlan in, chutia dawhtheihna leh a ngainatna a tihlan fo hnu chuan Muskan pawh Farooq tawn ah chuan a luangliam ve a, damchhunga nupa ni turin an innei zui ta hial.
Mahsela hetia kum inthlau tak chunga nupa a an insiam hi an chhungte lam ve ve erawh in an pawmpui lo a, amaherawh chu an pahnih inkar ah in hmangaihna a piang miau si. An kum inthlauh vanga sawisel tu te chu an bengkhawn loh tur thu leh chu chuan an inkar sawinghin in a awm phah dawn lo tih an sawi a, an inhmangaihna chu thihna in a then hran hma loh zawng vawnhim tlat an tum a ni.
