‘Queen Of Pop’ tih hial a koh Madonna chu a fa rual lek, a kawppui Ahlamalik Williams (28) nen inṭhen in a single leh tawh.
Kum 63 a upa Madonna hian a back-up dancer Williams hi kum 4 vel zet a rei a kawp hman a, 2015 khan Rebel Heart tour ah a vawikhatna atan an inhmu. An inkawp hnu ah pawh media leh fans te sawizui nasat em em niin a chhan pawh an kum inthlauh lutuk vang hi ani.
Madonna leh Ahlamalik Williams te inkar ah hian kum 35 zet a tla a, mahse an kum hian an in hmangaihna kawng erawh a dai dan phah lo. An inthen chhan hi tarlan dan chuan Madonna hi a hna lam buaipui deuh chawt a ngaih vang in bialpa lam a ngaihtuah tha theilo a, a hmangaihna a parchhuah tir thei lo an ti.
The Sun in a tarlan dan in Madonna hi Ahlamalik nen an inṭhen hnu ah a ṭhiante leh a chhungte kiangah hun a hmang a, biopic leh music thar tichhuak turin theihtawp a insawrbing a ngaihthu sawiin Ahlamalik nen hian inṭhen mahse an inkarah inhmuhthiam loh leh innghirnghona a awm lo a,an khawsa dun tawh lo mai zawk an ti bawk.
Tour neih leh lockdown lai vel khan Madonna leh Ahlamalik te hi khawsa dun deuh chawt in mahse Ahlamalik hi Madonna chenna in atang a chhuak tawh ani. An inthenna chungchang hriattirna leh ngaihbel theih turin Madonna hian post a siam nghe nghe.
2019 aṭang khan an inkar a inzawmna hi hailan a ni a, Williams pa Drue Williams ngei pawhin TMZ hnen ah a fapa in Madonna a kawp thu hi hrilh in “hmangaihna chuan kum lam a thlir lo” tiin a sawi. Drue Williams hi a fapa bialnu Madonna aiin kum 2 in a naupang zawk bawk ani.
Williams nen an intawn hma hian Madonna hi a dancer Brahim Zaibat, 35 leh personal trainer Timor Steffens, 34 nen sawi an lo kai tawh a, 2008 khan a pasal hlui Guy Ritchie hnen ah an inṭhenna chinfel nan sum tam tak pe tura tih a ni bawk.
