Zawlnei tam tak leh hmalam hun a thil lo thleng tur hmu lawk thei nia insawi hi tam tak an awm tawh. A then chu han belhchian in a tak tak nilo a ni a, mahse a dik tawk eng emaw zat a awm avang in rinloh bur tur tihna a nilo.
Kum 68 a upa sangha mantu pakhat Calvin Parker chuan kum 50 liam daih tawh 1973 khan tuna khawvel in hrileng a buaipui mek Covid19 Pandemic thleng hi hriattir lawk a ni tawh tih sawiin hei bakah WW3 te pawh a hmu lawk niin a sawi.
Calvin Parker hian kum 50 liam tawh ah aliens ten an hruai bo niin a insawi a. Pascagoula, Mississippi lui kama a thian nen sangha man a an chhuah ah UFO chu kal in chutah chuan mi maktak, an pianzia chu khawmual kaikung ang kut leh ke an nei a, an hnar leh beng chu carrot anga zum niin a sawi ani. He thil thlen lai hian kum 19 a upa chauh a ni bawk.
Covid19 chu hri chhia leh pulh hri a ti a, maktaduai tam tak nunna laksak tu, mihring te siamchhuah ngei a ni bawk. The Mirror in an tarlan danin Parker hian a thil hriat te hi a thleng dik ang tih a hlauh leh miten an ring dawnlo nia a hriat vangin midang hrilh hre lovin rei tak chhung a zep a, mahse a hlauh ang ngei in a thleng chho ta chiah ani.
Parker a’n World War 3 a tih hi Russia leh Ukraine inkara innghirnghona thleng chho mek nen te pawh sawi zawm a ni bawk a. Heng a thil sawi zawng zawng te hi a suangtuahna atanga ngaihruat leh a phuahchawp engmah a awm loh thu a sawi bawk.
British UFO investigator, Philip Mantle chuan Calvin Parker thil tawn chungchang tarlanna lehkhabu, ‘Pascagoula, The Closest Encounter’ chu a publish nghe nghe a. Parker hi Cancer natna in a tlakbuak hnu a dam leh ani.
