Supermodel, Kendall Jenner leh a bialpa NBA Star Devin Booker te chu kum 2 an inngaihzawn hnu ah an inthen tih khawthlang ram a chanchinbu lian tak tak in an puangzar leh ta chuai chuai mai.
Entertainment Tonight leh E!News lam in Kendall leh Devin te inthenna thu an chhuah ah an pahnih hian kawng hran ve ve an zawh dun si a, a khaikhawmna atan an lifestyles a hran vang niin an puh deuh ber. An mahni hna ve ve ah hun thawl an mamawh an ti.
E!News chuan an inthenna atang in chawlhkar 1 leh tlem a liam tawh niin an sawi a, an inthenna ah hian inhauhna emaw lungawilohna engmah thleng a awm lo bawk. Report chuan an inthenna hi a nghet/hlun tur a ni lo a,an inkar hi reilo te a ngaiawh leh siam that mai theih a nih thu a sawi bawk ani.
Jenner, 26 leh Booker, 25 te hi 2020 atang in an in date tawh a. Mahse rei tak chhung an inkar hi thup in langsar lo tak in an inkawp. Nikum Valentine’s Day 2021 a herchhuah chiah khan Kendall hian Instagram a amah zuitu maktaduai tam tak hma ah Devin Booker nen a an thlalak hi post in an in date ngei tih vantlang hriat ah a puang.
Milar inkawp zinga inhmeh ber pawl ah an hming a langpha hial bawk. Kendall in Instagram a an in date tih a puan hnu hian a bialpa Devin hi Game a khelhna ah a tawiawm hmuh a ni fo bawk a. June 2021 khan anniversary an lawmna post a siam a ni.
Thla hmasa lawk pawh khan Devin leh Kendall hi Portofino, Italy a Jenner unaunu Kourtney Kardashian leh Travis Barker te inneihna ah an kal dun hmuh an ni. Kum in hian a tu ve ve mah in anniversary post an siam engmah hmuh tur a awm miah lo a, an inthen nia rinhlelhna lian tak awm in Fans te hlauhthawn ang ngei ngeiin an inthen thu puan a ni zui ta ngei bawk.
