Chinese leh Canadian star, Kris Wu chu pawngsual leh mipat hmeichhiatna lam hawia kum tling lo khawih vangin thubuai siam sak a ni a, November 25 khan a hremna tihchhuah a ni.
Kris Wu hi pawngsual vanga thiamloh chantir a nih hnu ah Court chuan kum 13 chhung Jail tang turin a chungthu a relsak bawk.
Chinese mai bakah Kris Wu hi Canadian khua leh tui a ni a, hei vang hian China a a tan kum a tlakfel hnu ah Canada ah thawn leh nghal tur a ni dawn a ni.
Chinese media ten an tarlan danin Kris Wu hi Canada lama thawn a nih hnu ah hremna khirh zawk hmachhawn leh tur in an puang a, a mipatna chu damdawi hmanga hrek in, nakin zela thilsual a tih tawh loh nan a ’til rek’ sak a nih an rinthu an tarlang.
Hei hi Canada a mipat hmeichhiatna kawng a dan bawhchhiate a hremna a ni. Canada hi pawngsual kaihhnawih ah thilsual ti tu te chungah na takin hremna a kalpui thin.
