KNU brigade (1) Dutathu distric sung luttu BGF brigade 999 hnuaiih ralkap tefa pawl cu November 17 nikhat sungah KNLA thawn țum 3 an kap aw ih BGF 10 an thi, mi 5 hriamhma an ngah tiah KNU cun thuthannak an nei.
November 17 zinglam suimilam 1:00 hrawngah KNU brigade (1) Ba-ann peng Metana khua uksuh Kyautkekhi khua kiangah BGF brigade 999 hnuaiih battallion 3 hotu Saw La Tit hruaimi motor cu KNLA brigade (1) ih battallion (1) in an kap ih BGF 7 an thi, mi 5 hriamhma an ngah hleiah an motor Vigo motor 2 a siat tiah theih a si.
Cuvek thotho in November 17 zaanlam suimilam 2:00 hrawngah Kyautkekhi khua le Phalawngțawng khua karlak ah BGF motor pawl cu KNLA battallion (1) in an kap sal ih BGF brigade 999 ih 2IC Saw Kyaw Phaw telin mi 3 an thi ih motor pakhat an siat tiah KNU thuthannak ahcun an tarlang.
Zaanlam suimilam 5:40 hrawng khalah Bawtapioh khua kiangah Saw La Tit hruaimi motor cu KNLA in an kap sal ih BGF thi an um thu, BGF brigade 999 cu ralkap council hnuaiih cangvai an siih, KNU brigade (1) hmunram ah lut in raldo bawmtu an thlah thu theih a si.
