Reality Star, Kim Kardashian leh Pete Davidson te chu an inkawp hnu ah an inkar pawh in hma a sawn chho zel a. Tunah rih chuan an pahnih hi engmah in then hrang thei lovin an serious tawh hle ani.
Pete Davidson hi a bialnu Kim Kardashian tan a inhlanna pawh a sang fal narawh e. Pete chuan Kim-i pual in tattoo thar a chhut tir leh a. ‘My girl is a lawyer’ tih chu a khingkhang ruh zawn ah a ziah tir ani. Pete tattoo thar hi Kim Kardashian in Instagram a a tarlan hnu ah hriatchhuah ani.
Kim chuan hman ni a The Ellen DeGeneres Show a inlan tum ah Pete hian a pualin a taksa ah tattoo a neih thu a sawi tawh a. Ellen hnen ah hian a awm (chest) zawn ah Pete an a hmingin tattoo a chhu tih a hrilh.
Tattoo chungchang a sawichhuah hnu ah Fans te chuan Pete leh Kim-i pasal then tak Kanye West te inbiak dunna text a leak out ah Pete awm (chest) zawn a ‘Kim’ hming lo lang khiau chu an hmuchhuak a, hei hi Kim in Ellen Show a a sawi hi a nih an ring nghet leh bur.
A sawi dan chuan Pete Davidson hian a pual liau liau tattoo 3 lai a chhut tir tawh a ti. Kim Kardashian hian lawyer a nih theih nan a inzir mek a,nikum December khan a vawi 4 beih na ah ‘baby bar’ practice exam a paltlang tih hlim takin a puang.
Pete Davidson hi tattoo a uar ve pangngai hrim hrim, a hma pawn Pop star, Ariana Grande nen an inhualna kaihhnawih leh Larry David fanu Cazzie nena an inchhaina kaihhnawih pual in tattoo a nei bawk.
Kim Kardashian hian a pasal Kanye West thenna tur in nikum February ah inthenna a thehlut a. Court in dan ang takin zalenna a pe tawh. A pasal Kanye West erawh an inthenna hi ala paidam mai thei lo a, Kim leh a bialpa thar Pete Davidson te nen an inkarah innghirnghona nasa tak a chhuah phah hial ani.
