Reality Star, Kim Kardashian leh a bialpa Pete Davidson te chu thla 9 chhung lai a rei duh taka an inzui hnu ah an inthen thu hriat a ni.
Source rintlak takin E!News hnen a thu a thlen danin Kim leh Pete te hian buaina leh inhmuhthiam lohna an nei lo, an in hmangaihin an inzahtawn em em a, mahsela an hna lam ah buai in hun an neih loh dun em vangin an inkara inhmangaihna pawh an chhawm alh reng theilo chuvangin thian ang a awm zawk an tum a ni a ti. An inthen chhan ah hian Kanye West leh Kim K te inkar vang a nih loh thu an sawi bawk.
Page Six in a sawi dan ve thung ah erawh Kim K leh Pete Davidson ten inthen thu an puan ah hian an kum inthlau lutuk vang niin an sawi ve thung a, Pete hi kum 28 a nih laiin Kim K hi kum 41 lai a ni tawh a, hmun khatah an awm dun a harsat thu an tarlang. Pete hian hmun hrang hrang leu kual thei mahse Kim tan erawh a harsa hle a, fa 4 a nei a, a fate enkawl a uap lum an ngai a ni an ti.
An ni pahnih hi nikum October thla a an thian dangte nen Knott’s Scary Farm Halloween weekend an hman atangin sawizawm an ni a, hei hi Kim Kardashian in “Saturday Night Live.” a host hnu lawk ah a ni. Sawi rik ret ret an kai hnu November thla ah an inngaihzawn thu a thangchhuak.
Pete Davidson hian Kim K pual in a taksa ah Tattoo a chhut kai tir bawk a, July thla mai khan Hulu’s “Kardashians.” Season 2 na ah a inlan ve nghe nghe. Innei thuai tawh tura beisei an nih mek laiin Pete tattoo ai in an inhmangaihna a chuai hma leh ta si a ni.
Kim Kardashian hian Pete a tawn hma in Rapper leh Fashion Mogul, Kanye West nen kum 7 vel laia rei an innei a, fa pali North, 9, Saint, 6, Chicago, 4, leh Psalm, 3 an nei hman. Mahse February 2021 khan Kim-i hian Kanye West thenna tur a thehlut. Ye hian a nupui hlui Kim Kardashian kawppui atan Pete hi a pawmpui loh thu a tilang fo a, diss track hial a tichhuak bawk.
