Kim Kardashian chuan rimtui lam perfume line hmanga sumdawnna a kalpui chu a brand hming hman mek thlak a ngaih dawn vangin hun reilo te chhung Online Store a titawp rih dawn a, brand hming thar in relaunch na a neih leh dawn thu a sawi.
KKW label hnuai a fragrance hmasa ber a tlangzarh atang in kum 5 dawn lai a liam hnu ah Brand hming hi Kim K in a thlak dawn ta a, 2017 ah a perfume line hi lauch na a nei ani.
Kum 41 a upa Kim Kardashian hian Brand hming thlak a duh thut chhan hi a pasal hlui Kanye West hming a tawm chu paih bo a thai reh a duh tawh vang a ni ber a, a sumdawmna kaihhnawih ah a West hming lan a duh tawh lo. KKW a Kanye hming tawp a tawm ‘W’ hian an inthen tawh vangin atan awmzia vak a nei tawh lo ani. Brand hming thlak tura thuchhuah a siam hma in a Social Media platform hrang hrang atangin Kanye hming tawp a tawm hi alo paih vek tawh bawk.
May 1 ah kkw fagrance website chu tihtawp lailawk a ni ang. Brand hming thar a thlak a nih veleh a Product te hi site khat ah lei theih in a awm leh dawn ani. Kim hian a brand hming thar tur hi engmah ala sawilang lo a, mahse tunah Pete Davidson nen an inkawp lai mek alo ni bawk nen KKW tih ai ah Pete hming tawp tawmin KKD a nih mai fans te chuan an ring hle.
Kum 2017 atang in KKW Beauty line hi a tlangzarh a, hemi hnuai ah hian peng hrang hrang cosmetics, fragrance leh skincare products te a awm leh bawk. Beauty Line hmang hian sum thahnem tak hailut in Kim K pawisa tam zawk hi a beauty line atang a a lakluh te ani nghe nghe.
July 2021 pawh khan Kim hian KKW Beauty line chu hming thar vuah a mamawh thu alo sawi tawh. Kanye West nen hian 2014 ah inneiin 2021 ah an inthen a. Nupa an nih chhung hian fa 4 an nei hman. Dan hmangin Kim Kardashian hi a pasal Kanye West lak atang in zalenna pek ani bawk.
