Kum 2007 liam daih tawh a Ray J nen an Tape mawi hnai lo tak chhuak vang in Kim Kardashian hi alo lar hrep tawh a. Kum tam a liam hnu ah pawh reh hlen hleithei lovin tunhnai mai khan hemi chungchang hi hailan thar leh a ni.
Kim Kardashian chuan an chhungkaw Show thar Hulu Series ‘The Kardashians’ ah Ray J nena an Tape chungchang hi a tilang ta ngei a, April 28 a ‘The Kardashian’ episode thar ber ah chuan Kim Kardashian hi a chhungte hma ah lungchhe takin a tap a. A pasal Kanye West an Ray J nena an tape la tlangzarh miah loh awmna Laptop chu hmuchhuak leh in Hard Drive nen thawn ang in tarlan ani.
‘The Kardashians’ ah hian a pasal Kanye West chuan amah vang nilovin a fate a ngaihtuah vang zawk a hmuchhuak leh in a sawi a “ka theihna zawng zawng in ka hum tlat dawn ani” a ti bawk.
Hollywood Unlocked’s Instagram page ah Kim K tap lai video clip hi post a ni a. Mahse Ray J chuan Kardashians ten an chhungkaw Show a tape footage chungchang an tarlan ah hian rawn pha in dawt muhlum leh belhchian dawllo mai a nih thu comment na ah a rawn sawi a, an chhungkaw Show thehlarna hmanrua niin a chhal.
January thla khan Kanye West hian Hollywood Unlocked With Jason Lee ah Ray J hi hmaichhan ah hmu in a hnen atang in Footage awmna laptop chu a laksak thu a sawi tawh a, a nupui Kim Kardashian in a hmuh chuan a tap hial tiin a nupui hi a mualphona tur lak atang in a chhan thu a sawi.
Ray J manager hlui Wack 100 pawh in Kim K leh Ray J te Footage hi la tlangzarh miah loh a awm tih nikum khan a sawi tawh a, mahse Kim K lawyer Marty Singer chuan video dang awm anga thuthang awm chu a diklo tih a pha thung.
Amaherawh chu Kim Kardashian te lam hian Tape Footage dang a awm lo tiin pha mahse hmanni lawk khan he Footage hi a lawyer nen an buaipui nasat hle thu The Sun chuan a puang a, hman a a mualphona ang kha a fate mit hmuh ah thleng nawn leh tura a duh loh thu sawiin Footage hi tlangzarh a nih loh nan theihtawp a chhuah thu an tarlang.
