Reality star Kim Kardashian chuan an chhungkaw show thar turah a bialpa hlui Ray J nen a an tape mawihnai lo tak putchhuak chungchang chu rawn hailan leh a tum nia sawi a ni a, Ray J nena an tape hi a dang la release loh a awm tih thawm a awm bawk.
April 14 a ‘The Kardashian’ Show chhuah tura teaser pholan ah Kim Kardashian fapa kum 6 a upa Saint chuan iPad a Roblox game a khelh laiin a nu tap deuh pur lai memes chu advertisement ah a hmu a, hei hi Ray J nena an tape la release loh chungchang ani an ti.
He clickbait hmeh chuan tape dang a thar chu en theih ang in advertisement ah hian dah ani. Kim Kardashian hi tape vang in a buai leh tan hle a, a hlauthawng viau bawk. A team leh attorney Marty Singer dang te chu tape chungchang ah hian a be pawp nghal tih an sawi.
Kim Kardashian hian 2007 a an tape putchhuak kha record dang la awmin release a nih leh a hlauthawng viau a, a bialpa hlui Ray J an pawisa tam tak lakluh nan a hmang mai ang tih a hlau ani. Fa 4 a nei mek a, a mualphona ang kha a fate hmuh a thleng nawn leh turin a duh tawh lo.
Kim chuan sum tam tak aiin tunah chuan he thil hi a pawimawh zawk hle a, a mualphona ang kha a fate hma ah thleng nawn leh turin a duh lo. A hmingthat tawh sa na leh a fate a humhim theih nan tape dang hi vantlang hmuha release a nih loh nan a theihtawp in a bei an ti bawk.
A hma in Ray J former manager Wack 100 chuan Kim leh Ray J te tape hi Release miah loh a dang a awm tih podcast ah a sawi a, Kim K team lam te erawh pha in eng tape mah a awm tawh lo tiin an tang. Mahse tunah Kim in tape dang release hlau taka a buaipui vul tak leh chiam dan ah tape dang hi a awm ngei em tih an ngaihven hle.
Kim Kardashian leh Ray J te tape mawihnai lo tak hi March 2007 khan a darh a, Vivid Entertainment lam in ‘Kim Kardashian: Superstar’ tia title dahin an ti leak out. He tape record lai hian kum 22 lek chauh an ni. Mahse Kim Kardashian hi a mualpho viau dawn emaw tih laiin a larchhuahpui ta phian zawk ani.
