Pianchhuah dan a han lungawi theih tlat loh zawng a buaithlak deuh a ni. Brazilian model pakhat Jennifer Pamplona hian a pianchhuah dan ah a duhthusam ang a hmuh loh vangin Reality Star, Kim Kardashian ang a a lan theih nan pawisa thahnem tak a seng ral.
Kum 12 chhungin Kim Kardashian landan ang a neih ve theih nan cosmetic procedures 40 chuang a tam a paltlang tawh a, Rs 4.7 crore (USD 600k) vel a seng ral a ni.
Amaherawh chu Kim Kardashian anga a lan hnu chuan a nunkhua a tihnawm phah sak der chuang lo. Midang in Kardashian an lo ti thin chuan a tihbuai phah a ti a. Kim Kardashian a an vang chauh a miten an hre chho ta chuan lawmna tluan tling a neih leh theih loh phah.
Kim Kardashian ang a a lan hnu hian Social Media lam ah erawh huhang a neihlen phah hle thung a, mahse chu chuan a tihlim miah lo. Surgery ngawl a vei a ni tih a in hrechhuak a, ama nihna dik tak chu hloh in a tichhe zawk a ni tih a sawi a, harsatna a insiam belh mai mai tih a sawi bawk.
A landan hmasa zawk a a let leh na tur ah hian Rs 95 lakh (USD 120k) a senral leh a ngaih phah a, hemi atan a buaipui turin Istanbul a Doctor chu a rawn bawk. Hetia a landan hmasa a inthlakthleng lehna ah hian a biang atangin ni 3 chhung lai mai thisen a chhuah phah hial bawk. Siamtu in min siam dan ang ang ah hian lungawi ila mi vannei kan ni mai.
