KIA le PDF ṭangkawp in Myitkyina khawpi ဗလမင်းထင် Ralkap ṭanhmun khuarnak Gate an sim ih Ralkap camp an urkang sak thluh.
Mizan, June 23 khawthim zawng nazi 7:20 ah khan Kachin ramkulh Myitkyina khawpi le ဝိုင်းမော် khawpi hlehkaawknak lamzinpi ih ummi ဗလမင်းထင် Lilawn ih ṭanhmun khuarnak မိုင်းနားစုပေါင်းဂိတ် sakhan cu KIA le Myitkyina PDF pawl ṭangkapw in an sim ih hmun le hmun rori ah nasa zetin an va kah ciamco. KIA le PDF lam hin hriamhreipi in vei 20 lenglo an kah hnu ah hriamhreite meithal le kut den bomb tipawl thawn an kap, Kawl ralkap lam khalin an rak kap ve, an kahawknak a sosang nasa, tiah theih a si. Nasa zetih an kahawk hnu zan nazi 8 luan deuh ah khan KIA le PDF ṭangkawp pawl cun Kawl ralkap ṭanhmun khuarnak ဗလမင်းထင် စုပေါင်းဂိတ် sakhan cu meisa in an urkang sak thluh tiah theih a si.
Hivekin KIA le PDF ṭangkawp in Ralkap sakhan an siim ih an buk pawl meisa ih an urkang thluh hnu in Kawl ralkap pawl cu Helicopter 3 thawn cui’ an kahawknak cu an ra helkual vutvo, raldonak Tank mawṭawpi pawl thawn cutawk hmun an ra pan. Mizan an kahawknak ah hin mithi le hriamhma tuar ziangzat an um timi thufiang theih a si hrih lo.
Zan simhnu ah Kawl ralkap pawl hin KIO Headquarter umnak Laiza khawpi kiang cu hriamhreipi in an hi kap ciamco. Kachin ramkulh sungih tualsung PDF pawl hi a hranten cangvaihnak neilo in KIA pawl thawn an um tlang, an hmun khat, Kawl ralkap an donak kipah hmunkhat te ih cangvai in an ṭangkawp ringring tiin theih a si.
Mizan KIA le PDF ṭangkawp in ဗလမင်းထင် Lilawn kiangih မိုင်းနားစုပေါင်းဂိတ် an va siim ih an urkang sak ṭheh belbel in KIA le PDF pawl hi dung an sip san thluh ziar ih Kawl ralkap pawl cu an lehhnu ah an rung buai, meithal an kap ciamco ti a si. ဗလမင်းထင် Lilawn kiangih မိုင်းနားစုပေါင်းဂိတ် hi Kawl ralkap, Palik le Lah-wah-kah bawi upa tipawl umkhawmnak sakhan tum zet asi.
Hivekin KIA le Kachin tualsung PDF pawl ṭangkawp in Kawl ralkap an do tlang hi cu uar an um in zohṭhim an tlak nasa. – Chin Net youtube ih tisuahmi Ca in siar duhtu hrang kan post mi a si.
– Chin Net