Kachin ramkulh KIA Brigade 3, Battalion 17 ih humhual ram asimi Manmaw district မံစီ peng ကထန်ကောင် khua le ကိုင်ထိပ် khaw karlak Zau Bung Uda Bum khua ah January 25 sun simlam nazi 2 hrawngah khan KIA le Kawl ralkap karlak cu nasa zetin doawknak a suak tiah theih a si.
Kawl ralkap pawl hi Ralkap council Battalion 223 ihsin mipum 100 hrawng cu Balawng Dingsa khua ah an ra thleng, raltho dingin ramri an rak nawr ih Kahtan Kawng khua ihsin ကိုင်ထိပ် khaw lam tiang an rak nawr vivo, ဇော်ဘုံ khua an thlen fangah KIA battalion 17 cun bawhthup in an rak kap ih nazi 3 sung hrawng nasa zetin kahawknak a suak thu theih a si.
KIA lam cun bawhthup cia in le ciamciam ten an rak kahmi a si ruangah Kawl ralkap lam hi mithi le hriamtuar an tam, hmai nawr thei nawnlo in dung an sip thluh sal ih mizansun January 26 zinglam nazi 10 hrawng ihsin cui’ an doawknak hmun cu hriamhreipi in nasa zetin an kap tiin an sim. Tufang hi Kawl ralkap pawl hi kiangkap tluan ah doawknak thawk dingin ramri an nawr rero ruangah doawknak nasa zetin um thei dinhmun a si ih tualsung mipawl cu an thinhar in an um tiah theih a si.
