KIA le Kawl Ralkap Doawknak ah Kawl Ralkap Mithi Tam, KIA mi 1 thi

Kutkai peng နမ့်ပါချီး khaw kiang le ပါဂျို khaw kiangah KIA le Kawl ralkap nasa zetin an kapaw. KIA lam ihsin miralṭha pakhat nunnak a liam.

Tuisun, June 16 zinglam nazi 7:45 hrawngah khan Shan ramkulh saklam Kutkai peng လွယ်ဆမ်ဆစ် Tlang hram ih နမ့်ပါချီး khua le ပါဂျို khaw kiangkap ah KIA Brigade 4 ih Battalion 39 pawl le Kawl ralkap suamhmang pawl nasa zetin an kapaw ciamco tiah theih a si. Kawl ralkap pawl hi peng 38 မန်ပိန်း ihsin ပါဂျို လော့မွန် lam ih an feh rero lai KIA pawlin an rak kahmi a si.

KIA thawn pehtlai aw ṭheutu tualsungmi pakhat cun Kutkai pengah hin KIA le Kawl ralkap doawknak a um deuh ringring, an doawk tinten KIA lam hin neh zetin awlsamten an nawr vivo. Tuizing khal KIA lam hin nehsawh zetin an nawr nan, miralṭha pakhat nunnak a liam.

Kawl ralkap in thuneihnak an lak hnu KIA Brigade 4 ih Battalion 39 hi Kawl ralkap thawn an donak ah veikhat te hman an sung hrih lo, mithi le hriamtuar khal an um dahlo. Asinan tuizing an doawknak ah Battalion 39 ih miralṭha rualpawl lak in mi pakhat in ram le miphun humhimnak ah a nunnak a liam hi cu kan ui tuk rori, tiin a sim.

Tuizing nunnak liamtu KIA miralṭha pakhat hi raldo thiam zet a si tlunah miralṭha ngaingai a si ih ui a um tuk rori. Tuizing an doawknak khalah ralṭha zetin amah rorin hmai nawr in a do. A nunnak a liam tithu kan thei cu kan zaten kan mitthli a hal thluh, tiin 7 News hnen ah a sim.

Tuizing an doawknak ah KIA lam ihsin mi pakhat nunnak a liam ih Kawl ralkap lam hi mithi le hriamhma tuar an tam nasa, asinan ziangzat cekci an si ti cu theihfiang a si hrih lo, tiin 7News cun a tarlang. – Chin Net youtube ih tisuahmi Ca ih siar duhtu hrang kan post mi a si.

– Chin Net

Leave a Reply

Your email address will not be published.