Kawl ralkap mipum tamzet le hriamhrei pawl siseh Ei-in thilri pawl phurtu Lawng cu KIA pawlin an rak kap, Kawl ralkap mithi le hriamhma tuar tam.
Mizansun, May 28, simlam nazi 3:45 hrawngah Irrawaddy tipi hrawh in Ralkap mipum tamzet le Ralthuam hriamhrei a phunphun siseh, ei-in thilri pawl phur ih fehmi Lawng cu KIA pawlin an rak kahsak lala, tiah theih asi. Tuihlan khalah hitawk hmun kiangkap ah Kawl ralkap pawl tomi Lawng KIA in an rak kah siat sak rero dah zo.
Mizan ih KIA pawlin an kah mi Kawl ralkap pawlih hmanmi Lawng hi an kap siat thluh lo nan, a sungih to Kawl ralkap pawl mithi le hriamhma tuar an tam zet tiin an sim. Hriamhma tuar Kawl ralkap pawl hi စင်းခန်း khua ah an Lawng sung ihsin an thiar aw nasa, tiin an sim. Mizansun, sunhnu deuh ah khan ကသာ khawpi ihsin ရွှေကူ ah a ra feh i, reilote a cawlh hnu ah Manmaw lam pan ih a feh rero lai an rak kahmi a si, tiin khawsung mi pakhat cun a rel
Kawl ralkap pawlih tomi Lawng rak kahsaktu hi KIA Brigade 3, Battalion 12 ih miral ṭharual pawl an si. Kawl ralkap lam hriamhma tuar le mithi an tam thu khawsung mi cun an sim nan, KIO lam ihsi cun thusuak a um hrih lo.