US Maryland, Baltimore a mi heart disease tawk kum 57 a upa David Bennett chu a lung thlak sak a ni a, a lung thlakna atan hian vawk lung (heart) khawih danglam chu hman sak ani. Operation hi a hlawhtling viau a ngaih a nih laiin duhthusam leh beisei ang in thil a thleng ta lo.
Nilaini khan Surgery neih sak tu University of Maryland Medical Center chuan thuchhuah siamin, khawvel a a hmasa ber tura mihring lung atan vawk lung an thlak sak David Bennett chu a boral thu an puang ani.
Damdawiin a Doctor te hian a thihchhan chiang tak erawh an sawilang lo a, ni eng emaw ti kalta atang khan a hriselna dinhmun chuan zual lam a pan thut thu chauh an tarlang. A huaisenna leh Medical te tana a tawp thlenga a inpumpekna ah an fak hle bawk. Bennett hi January 2022 ah a lung hi thlak a ni a, University of Maryland Medical System hian 8 March ah a thi tih an report. Surgery neih atang a thla 2 hnu ah chiah a boral.
He transplant hi a vawikhatna a nih avang in khawvel bengkhawn a hlawh reng bawk a. Medical lam tan pawh mihring taksa a ran organs an hman hi alo hlawhtling a nih ngat chuan mel lung pawimawh tak tur niin organs in daih loh kawng ah nasa zawkin hmasawnna a thlen thei dawn a, mihring organs kher kher nilo an hmang thei tawh dawn ani.
David Bennett hi damlo khum bet a awm tawh a ni a, surgery neih hma hian heart-lung bypass machine, extracorporeal membrane oxygenation (ECMO) hmang in chu chuan thi lovin alo thawk tir ve hram hram chauh. A dinhmun thlir in beisei tur vak a awm tawh lo. Transplant nei tura vawk lung hman emaw a thih hun nghah deuh tawp bak chu beisei tur dang reng a neilo a, damkhawchhuah thut beiseina sang tak nen vawk lung hman chu a pawm ta ani.
