Tesla leh SpaceX CEO, tuna khawvel a mi hausa ber nihna dinhmun hauh mek tu ni bawk Elon Musk chuan thu mak tak rawn phuh chhuak in Russian President Vladimir Putin chu mimal taka inbeih puiah a sawm a, a manah Ukraine chu a tawktar bawk.
Thawhtanni ah Elon Musk hian Twitter kaltlangin Vladimir Putin hnen ah inbeihpui a chona hi a tichhuak a, mitam tak mak tih pawh a hlawh. Inbeihpuia Putin hming a lam hnu ah Russian government’s official chu direct taka khengin “he inbeihna hi i cho em?” tiin Vladimir Putin’s office a tag zui zat ani.
Elon Musk chet dan hi hrethiam lo fe fe an tam hle a. A Followers te atang in Putin-a a chona hi a tak tak a ni em tih an zawh chuan a thu tak hle thu in Tesla CEO hian chhanna a pe. Mi pakhat chuan he inbeihna hi a thleng a nih chuan Musk hian Putin tukzal turin second 10 bak a duh lo ang a ti a, a chhan chu Russian President ai Musk hi a pumrua a san zawk bakah kum 19 in a naupang daih ani ati.
Mi thenkhat chuan Musk hnen ah Russia-Ukraine buaina chu fiamthu ah hmang lo turin an ngen a. “Ukraine ah mitam takin nunna an chan a, hetiang zawng chuan fiamthu lo hram rawh. Ka nupui leh ka nu te phei chu Eastern Ukraine atangin Turkey an pan vang vang ani tih pawh i hrelo. Mi eng emaw zat tunah dinhmun khirh takah an ding mek a ni” tiin a khak ve bawk.
Chechen leader Ramzan Kadyrov chuan Telegram ah Elon Musk chu Putin lakah a chakzia enchhinna turah thurawn pek a tum lo a, mahse a weight categories chu a hran hlak a nih thu a hrilh. Russia in Ukraine a rûn tirh khan Musk hian Internet chak tha an hman theih nan Starlink a thehchhuak a. Mahsela Ukraine a tanpui lai mekin Starlink platform hmangin Russian news sources te block a tum lo tih a puang zui leh ani.
