Khawvel a mipa lemchan thiam hausa zual deuh deuh te tarchhuah a ni a, List ah hian Hollywood actor ten ro an rel hneh hle. Sum lam pawh mahni tawk theuh ah an nei ngah tawk hlawm viau.
Actor hausa zual deuh deuh zingah hian US nilo ram dang atang in pahnih lang an awm. Bollywood lemchan thiam Shah Rukh Khan chu actor hausa ber 4 na ah a awm a ni.
Shah Rukh Khan hi kum 4 hnu ah a film thar chhuak tur ‘Pathaan’ hmang in thawm a rawn nei lian leh tan mek. Tunhnai ah film thar tichhuak lo mahse khawvel Actor hausa zual ah 4 na ah a hming a langpha tho.
Shah Rukh Khan chauh hi Indian Actor zing a lang awmchhun a ni. A hnuai ah Tom Cruise te an awm. SRK hausakna hi $770 Million ang in an chhut. A hma chiah a awm Dwayne Johnson nen an inthlauhna hi $30 million chauh a ni bawk.
Shah Rukh Khan hausakna hi India pawisa in Rs 63,740,982,690 vel a chhut a ni a. Jerry Seinfeld leh Tyler Perry te chu pakhatna niin an hausak na $1 Billion angin an chhut.
Actor hausa zual deuh deuh te chu:-
Jerry Seinfeld – $1 Billion
Tyler Perry – $1 Billion
Dwayne Johnson – $800 Million
Shah Rukh Khan – $770 Million
Tom Cruise – $620 Million
Jackie Chan – $520 Million
George Clooney – $500 Million
Robert De Niro – $500 Million
