Reality Star leh model, Kendall Jenner chu a bialpa NBA star Devin Booker nen an inkara hmangaihna chhu chat in an inthen thu tarlan a ni.
Khawthlang media lian People chanchinbu chuan thu an dawn dan in ‘Kardashians’ star leh Phoenix Suns forward te hi tunhnai mai a inthen an ni tawh lo a, thla hmasa daih a inthen niin an hna thil vangin an inthen thu an sawi bawk.
An pahnih in an mimal leh an hna chungchang ah an buai dun em em a, an hna leh eizawnna chu a pawimawh hmasa ber ah an dah lo thei rih silo a, inrem takin buaina nei lovin an in tha then a ni tih an mahni hnaih tak ten People chanchinbu an hrilh.
Kendall Jenner hi a modeling career bakah 818 tequila line lamah in zarpharh in ama tawkah a buai hle a, chutiang bawk in Booker pawh hi NBA ah insawrbing a mamawh a ni.
Thu rintlak tak chuan Kendall leh Booker te hi an inhmangaih a, an inzahtawn em em bawk a hmalam an pan zelna turah pawh a tha ber duhsakna nen an inthlah zawk a ni an ti.
2020 atangin an inkawp tan a, mahse vantlang hriat ah tak erawh chuan Valentine’s Day 2021 ah an inkar thil awm hi an puangzar chauh. Tun hi an inthen thu tarlan vawikhatna a ni tawh lo. June thla ah Entertainment Tonight leh E! News ten an inthen tih an puang a, mahse a hnu August thla mai ah an la inthen lo tih Social media kaltlang in midang te an hriat tir a ni.
