Kut leh ke kim nei chung pawh in kan zirlai kan la zir tha peih lo thin a, mahse maw he hmeichhe naupang dinhmun ah hian han in chan ve chhin teh le.
Bihar a Jamui district a mi Fatehpur khua a cheng hmeichhe naupang kum 10 a upa Seema dinhmun hi a lainatawm in hnuk a ti ulh hle. Midang te ang in ke pahnih hman tur a neilo a, ke khing khat chauh in nitin 1km a hla ah school kal in a zuang/tum thleng zak thin ani.
Seema hi a pian tirh atang a ke leh lam neilo a ni biklo a, kum 2 liam ta khan vanduaithlak takin road accident a tawk a hetah hian a ke lehlam a chan phah ani.
Mahsela ke khing khat chauh nei chung hian a thil tum leh a chak te in dal tir nan a hmang ngai lo. Zirna pawimawh zia a hrechiang a, a dinhmun ah phunnawi hauh lovin nitin an School ah lehkha zir turin a zuang thleng thin.
#Bihar : #Jamui : The spirits are firm on the path of struggle! This 10-year-old Seema goes to school by jumping on the trails for 500 meters to study. Seema has lost a leg in a road accident.
Video: courtesy @abpbihar#India #USA @NitishKumar @UNHumanRights @PMOIndia pic.twitter.com/FMnVpxuSIB— Vijay kumar🇮🇳 (@vijaykumar1305) May 25, 2022
Fatehpur Middle School ah class IV a kal mek a, a zirna mai bakah hian a rualpui hmeichhe naupang dang te chu a zirtir ve leh chhawng bawk a, zirna pawimawh zia hrilh in a phak tawkin alo fuih bawk.
Uniform in bel chunga harsa taka school lam a pan lai video hi Social Media ah phochhuah a ni. A tumruhna leh zirna lama theihtawp a chhuah na hi midang ten an lo hmuhin an thinlung a hneh viau nghe nghe.
Actor leh philanthropist Sonu Sood chuan Seema hi tanpui ngei a tum tih Twitter ah a tarlang nghal. Jamui district magistrate AK Singh pawh in tricycle pe in, a ke leh lam a hman theih nan ke lem siam chawp artificial limb chu pek ngei a tiam nghal bawk.
