Sagaing ramțhen Kawlin peng nitlaknak lam ah ralkap pawlih thatmi kum 15 mi Mg. Kawng Zaw Ngein le Mg. Hein Khant Paing telin ruak 7 an hmuh thu tualsungmi pawl hnenin theih a si.
November 10 ah Sagaing ramțhen Kawlin peng nitlaknak lam Muhnan, Chawngna, Ukkan, Tuhwanah le Tayetchin khua ihsin kum 15 mi Kawng Zaw Ngein telin tualsung minung 7 cu ralkap pawlin an kah that thu, ralkap pawlih kah thatmi pawl cu Ukkan khuami 2, Chawngna khuami 5 an si thu, thihnak tongtu pawl cu a tam bik kum 16 – 23 karlak an si thu tualsungmi pawl hnenin theih a si.
“Kawlin peng nitlaknak lam ah tualsung minung 7 thah an si, an taksa cu zo an si timi theih lo ding khop in an hrem hnuah an thah, thah tongtu mi 7 lakah pakhat cu a hmel lawngin theih a theih, midang 6 cu zo timi theih lo ding khop in an hrem, Kawlin peng nitlaknak lam ah tualsung minung thah tongtu mi 10 hnakin tam an kim zo” tiah KR in thuthannak an nei.
