Tuisun, June 18 zinglam nazi 10:30 hrawngah khan KIO Headquarter umnak Laiza khawpi kiangah ralkap thazang tamsin ret tumin Kawl ralkap pawl mawṭawpi thawn an hung so rero lai cu ဒေါ့ဖုန်းယန် khawpi kiang ihsin KIA in an rak bawhthup ih an tinnak zawn an thlen fangah an rak kah ciamco. Kawl ralkap suamhmang pawl hi Manmaw lam ihsin rami an si ih mawṭawpi pa 7 thawn mipum 200 hrawng an si ဒေါ့ဖုန်းယန် thlenhlan deuh အူထန်ယန်ကျေးkhaw hnar ah KIA pawlin bomb an rak puah ih an rak kah ciamco tiin khawsungmi cun a sim.
“Kawl ralkap pawl hi Laiza khawpi kiang ခယာဘွမ် lam ah ṭanhmun khuar tum ih ra an si. Kawl ralkap lam hi mithi le hriamhma tuar an um ding kan zum. A cekci cu kan thei lo. Kawl ralkap pawl hin Alaw Bum sakhan ngahsal tum in nasa ten do an tum tla a si men thei, Manmaw Highway lamzinpi tluan ah Kawl ralkap mipum tam zet an darh aw vivo, ralthuam hriamhrei le ei-in pawl khal an phur nasa, tiin a sim bet.
Hivekin Kawl ralkap pawl ralkap thazang an seek bet vivo ih ralthuam le ei-in pawl tam zet Kachin ramsung ih an phurh lut ruangah KIA pawl hin an rak kahsiat sak cingcingnak a si. – Chin Net youtube ih tisuahmi Ca in siar duhtu hrang kan post mi a si.
– Chin Net