Karenni ramkulh Loikaw peng ကျောင်းကုန်း le ကုန်းဆွတ် khaw kiangkap tluan ah doawknak thawk dingih ramri nawrtu Kawl ralkap mipum 150 hrawng cu tualsung hriamkai PDF thawn nasa zetin an kapaw tiah theih a si. Loikaw PDF ih Company 5 le KNDF ṭangkawp cun an rak domi a si ih zanlam nazi 3 ihsin nazi 3:45 tiang hrawng an kapaw tiah an sim.
Hi an doawknak ah Kawl ralkap pawl cu vansanglam in an um ih mithi le hriamtuar an tam zet thu doawknak hmun ih um Loikaw PDF sungtel pawl cun an sim. Hivekin Kawl ralkap pawl Leipar doawknak ah an caklo, mithi le hriamtuar an tamtuk ruangah zanlam nazi 5 hrawng ahcun Jet Fighter 2 thawn an ra kah bawm ih doawknak hmun cu Bomb an ra thlak ciamco tiin an sim.
Mizansun January 28 sun nasa zetih an doawknak ah Tualsung hriamkai PDF le KNDF lam ihsin zohman mithi le hriamtuar an umlo thu Loikaw PDF cun thuthannak an nei.
