Karenni ramkulh sungah Mytel Sim Card le Top Up Card phurh luhmi pawl cu Karenni Army (KA) le Karenni National Defense Force (KNDF) in an kai ih thilri phurtu company hnațuantu minung 5 cu thlahsal in an phurhmi thilri pawl cu November 20 zaanlam nazi 4:00 hrawngah an urkang sak thu KNDF cun thuthannak an nei.
KA/KNDF ih kaihmi Mytel Sim Card le Top Up Card pawlih man hi ting 250 a si tiah KNDF thuthannak ahcun an tarlang.
“KA/KNDF ih kaihmi cu Mytel SIM card le topup card an si, a phurtu minung pawl cu thlahsal a si, asina’n an phurhmi thilri pawl cu urkang sak an si” tiah KNDF cun an sim.
