Rapper leh Fashion designer, Kanye West chuan a nupui hlui Kim Kardashian leh a bialpa thar te Social Media kaltlanga beia a ralsai chiam vangin news a nei lian hle a,Kanye West hian vawi khat mai nilo vawi tam tak Kim K leh a bialpa SNL star te hi tawngkam na tak tak in a tawngkhum.
Media ten an tarlan dan in Kanye West hi tlawm hmasa zawk ah tan a tum loh hmel tih a chiang a. Pete Davidson zawk chu fing tak in Social Media ah a inthiarfihlim tih hriat a ni.
Pete Davidson hian kum 4 lai Social Media a bansan hnu ah hmanni khan Account a ti nung a, Kanye West ngei pawn a follow. 2018 ah a metal health tan a that zawk nan Social Media Platform hi a chawlhsan.
Drama an neih thawm a vung chhoh lai mek a Pete Davidson an a Social Media account a ti nung leh hian ngaihven a hlawh. Mahsela Nilaini chawhnu khan Pete hi a page ah hmuh tur a awm leh ta lo a, a Instagram account chu a delete leh tih an sawi. Pete Davidson an Instagram a delete leh chhan hi Kanye West nen an buaina in zual lam a pan zel loh nan a inthiarfihlim nia ngaih a ni bawk.
Hetih lai mek hian Kanye West hian Miami ah Donda 2 listening party a buatsaih. Perform a neihah an buaina chungchang a chhamchhuah pui a, Kim K text message chungchang bakah Kim in Pete security a ngaihtuah em em te lyrics ah a zep a, Pete hming erawh ual au takin a auchhuah pui lo hram. Pete Davidson lakah Kanye hian in vaukhanna a phuhchhuak nasa hle a. Kim K nen a an fate chu hmuh ve a phalsak lo a,an hlat a awm turin a hriattir a,a bialnu hlui Ariana Grande hming thleng in a sawichhuak tel ani.
A hma in Kanye West hian bipolar disorder a vei thu a nupui hlui ngeiin a puang a, Kim K chuan a chet dan leh Social Media lama an chhungkaw chungchang a phawrh chhuah fo avang hian an fate enkawl dun kawngah pawh harsatna a thlen a ti. Kanye laka a beidawn em vang in Kim hian an inthenna tur a file ta reng a,kum 6 an inneih chhungin fa 4 an nei hman ani.
