Larna leh hmingthanna ten hma lamah a hmuah chhoh mek laiin Kannada actress pakhat Swathi Sathish chuan harsatna lian tak tawk in a ha lam ‘root canal surgery’ fuh loh vangin a buai mek ani.
Swathi Sathish hi Surgery a neih zawh hnu hian a biang ding lam chu a vungchhuak vak mai a, a hmel landan zawng zawng pawh a thlak danglam sak vek.
Lo en tu doctor chuan thurawn an lo pek ah a hmai vung vak chu mangan pui lovin thil thleng tur ve reng leh reilo te hnu ah zawi zawi in a vung hi a ziaawm tur thu a hrilh a ni.
Amaherawh chu vanduaithlak takin Doctor in a sawi ang chuan thil a thleng reng reng lo. Surgery neih atang a ni 20 a liam hnu ah pawh a hmai vung chuan ziaawm lam aiin zual lam a pan deuh deuh zawk a ni.
Kannada news channel ten an tarlan ah Swathi hian a chung a thil thleng ah hian Surgery a neihna clinic te chu an inthlahdah vang a ni tiin a puh a, dan ang tak in clinic chungah hian action lak a tum tih an sawi.
A chunga thleng mek hian Swathi Sathish chu dinhmun harsa tak ah a dah phah a, Film release mai tur a nei mek bawk a ni. Mahse a hmai vung hian vantlang hmuh a chhuak theilo tur leh Movie promote theilo in a siam. Tunah hian Swathi hian a hmai vung tireh turin a in enkawl mek a, medical facility hrang hrang a rawn kual tih hriat ani.
Hetiang deuh chiah hian hmanni lawk pawh khan Kannada actor, Chetana Raj chu Bengaluru a private clinic ah a thau lutuk tih ziaawm tir a tumna lamah a nunna alo chan tawh a, a chhungte hian medical lam inthlahdahna vang tiin thubuai an thlen.
